علي غندور
الإيد لي عن كتفي غابت
بعتم ليل وفلت عل هدا
سرقت ضحكي وزرعت جرح
مطرح ما كنا نلتقي
والعتم بيلفنا متل حرام
بليلة شتي
صار شاهد عوجع بياكلني
دارت الأيام وعاد الجرح ينفتح
لما هب هوا جايي منل المدى
شفت فستانك عم يطير
وقلبي جنّ لما هب الهوى
ورقص معو عا غنيه
بتشبه حبنا لي كان
متل مد وجزر
وتعابير ركيكه لولد عم يكتب بعفويه
مش عارف إنو الكتابه إلها لغه
وناس بتعرف كيف تصوغها
دخلك يا ليل فلّ عني
أنا صرت شاعر من ورا عتمتك
وملّت حروفي من ذكر هل صبيّه.
ليست هناك تعليقات:
إرسال تعليق